，暗想他是个工部官员，我又不是他的堂官，他又不受我的统属，怎么平空的写起“沐恩”的两个字儿来？吃把势饭的，虽然也有来上手本称沐恩，真是个有一无二的事。

正在沉吟，只听得银姐说道：“格个就是旧年仔一径来倪搭吃酒格、大呀，啥格拿仔格手本，叫倪拿进来拨耐看。倪叫俚自家进来，俚倒说定规勿肯呀。倒搭倪说呒拨实梗规矩格，要耐叫俚进来末，俚好进来，耐勿叫俚进来，俚勿好进来格。

带仔格红樱帽子，拖仔格花翎，海外得来，勿得知啥格事体，倒说搭耐换仔格名字，叫耐啥格宗脱牵太太。倪说大小姐勿姓宗嘛，耐阿是弄错哉。俚倒说耐勿晓得格，请仔宗脱牵太太出来，有要紧闲话要当面讲。耐想阿是少有出见格事体？“